ابوذیّات و نعی عزاء
احن مشتاق الک بالگبر من ییت
او تزیل اترابه و اترد علی من ییت
اتمنّی الموت یأتی ابغفل من ییت
معاک الذکریّات اتعود الیّه
...
الموت ابعز کرامه من سبنّه
ابحزن و ابهم لفانه من سبنّه
المصایب بدعه اجنّه من سبنّه
او خذن ثمرة حیاتی ابلا وصیّه
...
اهل بالدمع للمگبره جیت
وابوسک واشم اتراب رجلیک
ابو طبع الحنین انت واباریک
ابطن الگبر واشلون احاچیک
...
اعتب علیک انت العفتنی
اترکتنی ابوکت ما ودعتنی
و ابدار ظلمه ضیّعتنی
ادوّر علیک او ما شفتنی
...
یا دار وین اهلچ خلیّه
سار الضعن و ابعد علیّه
جفونی او مشوا ماکو وصیّه
ضلّیت بس اصفگ بدیّه
...
یشیّال تابوته ارد احاچیه
خلینی اودعنّه و اشم بیه
اخوی العزیز او ماد رجلیه
ابطن الچفن و امشمّر ایدیه
...
ابطن اللحد و ادری ابظروفک
صعبه علی متأذّی اطوفک
عزیز او حنین اشلون اعوفک
گلبی یحن مشتاگ اشوفک
...
الحَن او بچّه ردتک تمر بیه
یحاچیک و انت ما تحاچیه
محزن علیک او ما تعازیه
والما نساک اشلون ناسیه
...
من هو الیعازینی ابخیالی
و اتصوّرک و انت اعلی بالی
تنشد علی بالضیم حالی
او مکانک یخی بالگعده خالی
...
شال العزیز الیا بلد عود
بالذکریات اویانه موجود
والدرب بینی او بینه مسدود
یا ریت اشوفه لحظه وایعود
...
انشال الولی للمگبره انشال
او طول الدرب واتون العیال
ابّطن اللحد و اترابه منهال
او فگد الاخو یا ناس چتّال
...
ییمه طال الفراگ انا اعتب اعلیچ
او لو بیدی ازورنّچ و احاچیچ
و ابّطن الگلب یحبیبه اباریچ
شمّامه احطّنچ و اشم بیچ
...
عندی عتب بس ما حچیته
ثاری الابو شمعه اببیته
للعزاز ضیمی وصّفیته
مکان الابو خالی لگیته
...
یا وسفه اهلنه مانی ابنکم
تطردونّی و ابرا الضعنکم
بطیتوا علی وابعد دربکم
حدر التراب اشلون امرکم
...
جاسم ثعلبی (الحسّانی) 13/03/1400
:: برچسب‌ها:
ابوذیّات و نعی عزاء ,
:: بازدید از این مطلب : 11667
|
امتیاز مطلب : 0
|
تعداد امتیازدهندگان : 0
|
مجموع امتیاز : 0
عضو شوید
عضویت سریع
آمار مطالب
آمار بازدید
